26/08/2026 • samnang pon

Department of Sciences

Showcases innovative capstone projects, digital tools, and learning materials created by student teachers.

Project Overview: Developed by final-year teacher trainees, this mobile application provides gamified Khmer vocabulary and reading exercises for Grade 1-3 primary school students. Includes automated pronunciation guides and interactive storybooks.

Read Post

26/08/2026 • PON Samnang

Department of Mathematics

Improving Geometry Problem-Solving Skills Through Visual Manipulatives

Improving Geometry Problem-Solving Skills Through Visual Manipulatives

Read Post

31/12/2024 • Keo Rachna

The Effectiveness of Semi-Tangible Materials Used in Teaching Area of Triangle

ការស្រាវជ្រាវមានគោលបំណងស្វែងយល់ពីប្រសិទ្ធភាពនៃសម្ភារៈពាក់ណ្តាលរូបីក្នុងការបង្រៀនមេរៀនផ្ទៃក្រឡាត្រីកោណដែលផលិតដោយគ្រូ ដើម្បីលើកកម្ពស់ការរៀនសូត្ររបស់សិស្សលើមុខវិជ្ជាធរណីមាត្រនៅកម្រិតបឋមសិក្សា។ ការសិក្សាស្រាវជ្រាវនេះបានជ្រើសរើសតំណាងគំរូពីសាលាបឋមសិក្សាបឹងសាឡាងចំនួន២ថ្នាក់ដែលមានចំនួន៣៦នាក់។ ដើម្បីឱ្យទិន្នន័យដែលប្រមូលបាន មានភាពច្បាស់លាស់ហើយឆ្លើយតបនឹងគោលបំណងដែលបានកំណត់ អ្នកស្រាវជ្រាវបានសម្រេចជ្រើសរើសការប្រមូលទិន្នន័យតាមបែបបរិមាណវិស័យ ចំពោះឧបករណ៍ដែលប្រើសម្រាប់ប្រមូលទិន្នន័យមាន កម្រងសំណួរស្ទាបស្ទង់មតិ និងការធ្វើតេស្ត។ ការស្រាវជ្រាវនេះ អ្នកស្រាវជ្រាវធ្វើការវិភាគទិន្នន័យតាមរយៈ Microsoft Excel ។ លទ្ធផលបានបង្ហាញថា មធ្យមនៃតេស្តរបស់ក្រុមសិក្សា (8.16) មានតម្លៃខ្ពស់ជាងក្រុមធៀប (6.25) ហើយគម្លាតស្តង់ដារបស់ក្រុមធៀប (1.98) ធំជាងគម្លាតស្តង់ដារបស់ក្រុមសិក្សា (1.58) និងតម្លៃ p-value = 0.001។ ចំពោះលទ្ធផលកម្រងសំណួរស្ទាបស្ទង់មតិ បង្ហាញថាសិស្សចូលចិត្តរៀនដោយប្រើសម្ភារៈបង្រៀន ចងចាំរូបមន្ត យល់ពីជំហានក្នុងការអនុវត្តលំហាត់ និងអភិវឌ្ឍការគិតរបស់ពួកគេ។ អនុសាសន៍សម្រាប់ការស្រាវជ្រាវបន្តគឺ សិក្សាបន្ថែមពីប្រសិទ្ធភាពនៃការប្រើប្រាស់សម្ភារៈបង្រៀននៅកម្រិតខ្ពស់ និងកម្រិតទាបហើយធ្វើការប្រៀបធៀបលទ្ធផលសិក្សារបស់សិស្សទាំងពីរក្រុម។ This study aims to explore the effectiveness of semi-intangible materials used by the teacher to teach the triangular surface lesson […]

Read Post

31/12/2024 • , , Message From Director, Message From Director, 5

Department of Sciences

Fostering student teachers to become self-directed learners through teamwork and reflection

ការសិក្សានេះមានគោលបំណងកំណត់ពីប្រសិទ្ធភាពនៃកិច្ចការក្រុម និងការឆ្លុះបញ្ចាំងជាប្រចាំក្នុងការជំរុញគរុនិស្សិតឱ្យក្លាយជាអ្នកសិក្សាបែបស្វ័យដឹកនាំ។ ផែនការសកម្មភាពរយៈពេលបួនសប្តាហ៍ត្រូវបានបង្កើតឡើងសម្រាប់គាំទ្រគរុនិស្សិតថ្នាក់ជីវវិទ្យាឆ្នាំទី១ ចំនួន ២៨នាក់ ដែលសិក្សាមុខវិជ្ជាបរិស្ថានក្នុងឆ្នាំសិក្សា ២០២៤-២០២៥ ក្នុងគោលបំណងគាំទ្រពួកគេឱ្យក្លាយជាអ្នកសិក្សាបែបស្វ័យដឹកនាំ។ ទិន្នន័យនៃការសិក្សានេះផ្អែកលើកម្រងសំណួរស្ទង់មតិដែលមានទម្រង់ជាលក្ខខណ្ឌចំនួនប្រាំ (Likert Scale) ដោយជ្រើសរើសលើភាពញឹកញាប់ ដែលមាន ៦០ សំណួរ ចែកជាប្រាំផ្នែកក្នុងការវាយតម្លៃកម្រិតសិក្សាបែបស្វ័យដឹកនាំ (SDL) របស់គរុនិស្សិត ដែលមានពិន្ទុសរុប ៣០០ ពិន្ទុ។ ទិន្នន័យនេះត្រូវបានវិភាគដោយប្រើការវិភាគភាពជឿជាក់ក្នុងកម្មវិធី SPSS នៃសំណួរតាមផ្នែកនីមួយៗ និងប្រើកម្មវិធី Microsoft Excel សម្រាប់រកមធ្យមភាគនៃចម្លើយរបស់សំណួរនីមួយៗ ហើយបូកពិន្ទុទាំងនោះចូលគ្នាដើម្បីកំណត់កម្រិត SDL របស់គរុនិស្សិតក្នុងចំណោមបីកម្រិត ដូចជា ទាប មធ្យម ឬ ខ្ពស់។ លទ្ធផលបង្ហាញថាគរុនិស្សិតមានកម្រិត SDL ខ្ពស់ ដោយទទួលបានពិន្ទុ ២៤២.៤៦ ពិន្ទុ។ ដូច្នេះ ការធ្វើសកម្មភាពជាក្រុម និង ការឆ្លុះបញ្ចាំងកែលម្អកិច្ចការជាប្រចាំដែលមានផែនការច្បាស់លាស់ ធ្វើឱ្យគរុនិស្សិតក្លាយជាអ្នកសិក្សាបែបស្វ័យដឹកនាំយ៉ាងមានប្រសិទ្ធភាព។ This study aims to find out the effectiveness […]

Read Post

31/12/2024 • Khon Rortnak, Sort Sokhry, Phon Dalin, Vun Vin, Mai Sonita

Environmental Education: Opportunities Challenges and Recommendations

ការអប់រំបរិស្ថានដើរតួនាទីយ៉ាងសំខាន់ក្នុងការលើកកម្ពស់ការយល់ដឹង ការអនុវត្តប្រកបដោយនិរន្តរភាព និងការអភិវឌ្ឍពលរដ្ឋឱ្យមានជំនាញក្នុងការអភិរក្សបរិស្ថានប្រកបដោយចីរភាព។ បញ្ហាគន្លឹះនៅក្នុងការស្រាវជ្រាវនេះ គឺផ្តោតសំខាន់ទៅលើឱកាស និងបញ្ហាប្រឈមពាក់ព័ន្ធនឹងការអប់រំបរិស្ថាន។ ការសិក្សាស្រាវជ្រាវមានគោលបំណងសិក្សាអំពី (1)ឱកាសក្នុងការស្វែងយល់ពីការកែលម្អបរិស្ថានដែលយើងរស់នៅ (2)ស្វែងយល់ពីបញ្ហាប្រឈម (3)អនុសាសន៍។ ការសិក្សានេះប្រើវិធីសាស្ត្រតាមបែបបរិមាណវិស័យ។ អ្នកសិក្សាស្រាវជ្រាវបានប្រើប្រាស់កម្រងសំណួរស្ទង់មតិ ហើយទិន្នន័យវិភាគដោយកម្មវិធី SPSS 22.0 លើស្ថិតិពណ៌នា។ ការសិក្សានេះមានអ្នកចូលរួមចំនួន៦៥នាក់។ តាមការសិក្សាបង្ហាញថា សិស្ស អ្នកលក់ដូរ និងគរុនិស្សិត មានការយល់ដឹងពីការអប់រំបរិស្ថាន។ ពួកគេបានបញ្ជាក់ថាឱកាសក្នុងការស្វែងយល់ពីការកែលម្អបរិស្ថានដែលយើងរស់នៅគឺធ្វើឡើងតាមរយៈការអប់រំ ការចូលរួមផ្សព្វផ្សាយ ការបង្កើតសហគមន៍សកម្មភាពសម្អាត ការបង្ហាញ និងការលើកទឹកចិត្ត ការបង្កើតមូលនិធិការ និងចូលរួមសកម្មភាពរបស់រាជរដ្ឋាភិបាល។ តែបើយើងមិនបានសិក្សាពីការអប់រំបរិស្ថាន មនុស្សនឹងបន្ថែមបញ្ហាទៅលើបរិស្ថានទៀត។ ដូច្នេះសាលារៀនត្រូវមានការបណ្តុះបណ្តាល ការបញ្ញាបអំពីបញ្ហាបរិស្ថានឱ្យសិស្សបានយល់ដឹង ហើយសិស្សក៏ដូចគ្នាដែរ គឺត្រូវសិក្សាស្វែងយល់អំពីបញ្ហាបរិស្ថានដែលកើតមានឡើង និងរួមគ្នាការពារផងដែរ។ ជាពិសេស និស្សិត និងគ្រឹះស្ថានឧត្តមសិក្សាគឺជាផ្នែកមួយយ៉ាងសំខាន់ក្នុងការអប់រំបរិស្ថាន។ ជាមួយគ្នានេះ សហគមន៍ ស្ថាប័នរដ្ឋ និងឯកជនត្រូវចូលរួមឱ្យបានសកម្ម។ Environmental education plays an important role in promoting awareness, sustainable practices and […]

Read Post

31/12/2024 • Chok Sacha

Using Think-Pair-Share Strategy in Enhancing Group Discussion to Improve Student’s Outcome: A Case Study of Force in Physics Lesson grade 8

របាយការណ៍ស្រាវជ្រាវនេះមានគោលបំណងសំខាន់ពីរ គឺ 1) ស្វែងរកប្រសិទ្ធភាពនៃការប្រើប្រាស់យុទ្ធវិធី គិត ដៃគូ ចែករំលែក ក្នុងការជំរុញសកម្មភាពពិភាក្សាក្រុម 2)វាយតម្លៃលទ្ធផលសិក្សារបស់សិស្សក្រោយប្រើប្រាស់យុទ្ធវិធី គិត ដៃគូ ចែករំលែក។ ការសិក្សានេះប្រើប្រាស់វិធីសាស្ត្របរិមាណវិស័យដែលធ្វើឡើងនៅកម្រិតថ្នាក់ទី៨នៃអនុវិទ្យាល័យទឹកល្អក់ក្នុងឆ្នាំសិក្សា 2022-2023។ តំណាងគំរូចំនួន40ត្រូវបានចេញពីសកលគំរូចំនួន51ដោយប្រើប្រាស់ការជ្រើសរើសដោយបំណង និងចែកចេញជាពីរក្រុម។ សំណាកចំនួន20យកពីថ្នាក់ទី8A1 សម្រាប់ក្រុមពិសោធន៍ និងសំណាកចំនួន20ទៀតយកពីថ្នាក់ទី8B1 សម្រាប់ក្រុមត្រួតពិនិត្យ។ ទិន្នន័យនៃការស្រាវជ្រាវ បានមកពីការធ្វើតេស្ត ដែលមាន បុរេតេស្ត និងតេស្តបញ្ចប់ និងការស្ទង់មតិ ដែលមានការស្ទង់មតិដំបូង និងស្ទង់មតិបញ្ចប់។ ការស្រាវជ្រាវនេះប្រើប្រាស់កម្មវិធី Microsoft Excel ដើម្បីវិភាគទិន្នន័យ។ លទ្ធផលនៃស្ទង់មតិទាំងពីរបង្ហាញថាការពិភាក្សាក្រុមត្រូវបានកើនឡើង ។ ម្យ៉ាងទៀតលទ្ធផលតេស្តបញ្ចប់ក្រុមពិសោធន៍ទទួលបានខ្ពស់ជាង ក្រុមត្រួតពិនិត្យ។ តាមរយៈលទ្ធផលនៃការស្ទង់មតិ និងតេស្តបញ្ចប់ អ្នកស្រាវជ្រាវសន្និដ្ឋានបានថាយុទ្ធវិធី គិត ដៃគូ ចែករំលែកជំរុញសកម្មភាពពិភាក្សាក្រុមដើម្បីឱ្យលទ្ធផលសិក្សារបស់សិស្សប្រសើរឡើង។

Read Post

31/12/2024 • Horn Chanthy, Sea Sophea, Pouy Lamorng, Korn Sodany, Rtha Sotheay

Department of Sciences

Food Vendors’ Perceptions to Reduce Plastic in Phnom Penh Teacher Education College

ការកាត់បន្ថយការប្រើប្រាស់ប្លាស្ទិកគឺជាដំណោះស្រាយមួយដ៏សំខាន់សម្រាប់ការការពារបរិស្ថាន និងការរស់នៅរបស់មនុស្ស។ ដើម្បីឆ្លើយតបទៅបញ្ហាខាងលើនេះការសិក្សាស្រាវជ្រាវពីការយល់ឃើញការកាត់បន្ថយការប្រើប្រាស់ប្លាស្ទិករបស់អាជីវករ ធ្វើឡើងនៅក្នុងវិទ្យាស្ថានគរុកោសល្យរាជធានីភ្នំពេញក្នុងគោលបំណងដូចជា 1) ស្វែងយល់ពីការយល់ឃើញរបស់អាជីវករពីផលប៉ះពាល់នៃប្លាស្ទិក 2) ការយល់ឃើញរបស់អាជីវករពីវិធីក្នុងការកាត់បន្ថយប្លាស្ទិក 3)ការយល់ឃើញរបស់អាជីវករពីបញ្ហាប្រឈមក្នុងការកាត់បន្ថយប្លាស្ទិក។ ការស្រាវជ្រាវនេះជាប្រភេទបរិមាណវិស័យ ដោយប្រើកម្រងសំណួរទាក់ទងនឹងការយល់ឃើញរបស់អាជីវករក្នុងការកាត់បន្ថយការប្រើប្រាស់ប្លាស្ទិកនៅក្នុងវិទ្យាស្ថាន។ ការស្រាវជ្រាវនេះ បានចូលរួមពីអាជីវករចំនួន17នាក់ ភេទស្រី11នាក់។ ទិន្នន័យវិភាគដោយកម្មវិធី SPSS 22 (Descriptive Statistics, Frequency and percentage)។ ការសិក្សានេះបានបង្ហាញឱ្យឃើញថាអាជីវករនៅក្នុងវិទ្យាស្ថានគរុកោសល្យរាជធានីភ្នំពេញមានការយល់ដឹងពីផលប៉ះពាល់នៃប្លាស្ទិកនិងការកាត់បន្ថយការប្រើប្លាស្ទិកដោយប្រើផលិតផលផ្សេងក្រៅពីប្លាស្ទិកមកជំនួសក្នុងការប្រើប្រាស់។ ការកាត់បន្ថយការប្រើប្រាស់ប្លាស្ទិកមានសារៈសំខាន់ជាច្រើនសម្រាប់ការពារបរិស្ថាន សុខភាពមនុស្ស និងសោភ័ណភាពទីធ្លាដើម្បីឱ្យការរស់នៅប្រកបដោយផាសុកភាព។ ប៉ុន្តែការកាត់បន្ថយប្លាស្ទិកក៏មានបញ្ហាប្រឈមមួយចំនួនចំពោះអាជីវករដូចជា ការចំណាយកម្លាំងច្រើន ចំណាយថវិកា ពេលវេលារបស់អាជីវករ។ Reducing plastic use is an important solution for protecting the environment and people’s lives. To respond to the above problems, a study on the perception […]

Read Post

31/12/2024 • MEAS Pichkhaknika, LANG Rahull, DEN Mara, HANN Pheang, SOK Kimhor

Commitment to Participate in Environmental Education of Student Teacher in PTEC

ការប្តេជ្ញាចិត្តចូលរួមអប់រំបរិស្ថានរបស់គរុនិស្សិតនៃវិទ្យាស្ថានគរុកោសល្យរាជធានីភ្នំពេញគឺជាសកម្មភាពមួយដែលមានសារៈសំខាន់យ៉ាងខ្លាំង ដែលអាចជួយធ្វើឱ្យមានភាពប្រសើរឡើងចំពោះបរិស្ថានជុំវិញវិទ្យាស្ថាន។ ការសិក្សាលើប្រធានបទ ការប្តេជ្ញាចិត្តក្នុងការចូលរួមការអប់រំបរិស្ថានរបស់គរុនិស្សិតនៃវិទ្យាស្ថានគរុកោសល្យរាជធានីភ្នំពេញ មានបំណងស្វែងយល់អំពី 1) ការយល់ឃើញពីស្ថានភាពទូទៅចំពោះការអប់រំបរិស្ថាននៅកម្ពុជានាពេលបច្ចុប្បន្ន 2) យុទ្ធសាស្ត្រក្នុងការចូលរួមការអប់រំបរិស្ថានរបស់គរុនិស្សិតនាពេលអនាគត 3) ការប្តេជ្ញាចិត្តក្នុងការចូលរួមការអប់រំបរិស្ថានរបស់គរុនិស្សិតនាពេលអនាគតដែលមានការចូលរួមពីសំណាក់គរុនិស្សិតឆ្នាំទី1 ជំនាន់ទី4 ក្របខ័ណ្ឌអប់រំបរិញ្ញាប័ត្រកម្រិតបឋមសិក្សា ឆ្នាំសិក្សា 2024-2025 ។ ការសិក្សានេះប្រើប្រាស់នូវការស្រាវជ្រាវបែបបរិមាណវិស័យ មានគរុនិស្សិតចូលរួមចំនួន 60នាក់។ អ្នកស្រាវជ្រាវជ្រើសរើសការប្រើប្រាស់ជាកម្រងសំណួរតាមរយៈ Google Form ហើយប្រើប្រាស់នូវកម្មវិធី SPSS 2022 សម្រាប់ការវិភាគទិន្នន័យលើស្ថិតិពណ៌នា និងស្ថិតិសន្និដ្ឋាន។ តាមការស្រាវជ្រាវបានបង្ហាញថា ការអប់រំបរិស្ថាន ជួយជំរុញឱ្យគរុនិស្សិតមានគំនិតក្នុងការការពារ ការកែច្នៃនូវធនធានឬវត្ថុនានា សម្រាប់ការប្រើប្រាស់យ៉ាងណាឱ្យមានប្រសិទ្ធភាពបំផុត និងមិនប៉ះពាល់ខ្លាំងដល់បរិស្ថាន។ដោយយើងរំពឹងទុកជាមុនថាលទ្ធផលនៃការស្រាវជ្រាវទទួលបានផលវិជ្ជមាននិង សារប្រយោជន៍ពីការចូលរួមសកម្មភាពអប់រំបរិស្ថាន។ The study on the topic commitment to participate in environmental education of the pedagogical students of the Phnom Penh Pedagogical Institute […]

Read Post

31/12/2024 • Chann Sulen

Factors Affecting Students’ Learning Outcome in Physics: A Case Study in Grade 7 at Obekkhaom Secondary School, Academic Year 2023-2024

ការសិក្សាស្រាវជ្រាវនេះ មានគោលបំណងកំណត់បាននូវកត្តាដែលជះឥទ្ធិពលលើការសិក្សារបស់សិស្សលើមុខវិជ្ជារូបវិទ្យា។ វិធីសាស្ត្រក្នុងការស្រាវជ្រាវនេះត្រូវធ្វើឡើងតាមបែបបរិមាណវិស័យ ដែលមានសិស្សចូលរួមសរុបចំនួន 120 នាក់ នៃអនុវិទ្យាល័យអូរបែកក្អមក្នុងរាជធានីភ្នំពេញក្នុងឆ្នាំសិក្សា 2023-2024។ សម្រាប់ឧបករណ៍ក្នុងការស្រាវជ្រាវគឺជា កម្រង់សំណួរដោយវាយតម្លៃលើកត្តាធំៗចំនួនបួន គឺ 1) កត្តាគ្រួសារ 2) កត្តាខ្លួនឯង 3) កត្តាគ្រូបង្រៀន និង4) កត្តាសាលារៀន។ ទិន្នន័យដែលទទួលបានត្រូវបានវិភាគតាមកម្មវិធី SPSS។ ការស្រាវជ្រាវនេះបានរកឃើញថា កត្តាចម្បងទី1 ដែលជះឥទ្ធិពលខ្លាំងជាងគេលើមុខវិជ្ជារូបវិទ្យាលើកម្រិតថ្នាក់ទី7 គឺគ្រួសារ កត្តាទី2 គឺខ្លួនឯង កត្តាទី3 គឺគ្រូបង្រៀន និងកត្តាទី4គឺសាលារៀន។ ឆ្លងតាមរយៈការសិក្សាស្រាវជ្រាវនេះបានបញ្ជាក់ឱ្យឃើញថា ដើម្បីឱ្យសិស្សានុសិស្សទទួលបានលទ្ធផលសិក្សាល្អលើមុខវិជ្ជារូបវិទ្យា អ្នកពាក់ព័ទ្ធគួរយកចិត្តទុកដាក់លើកត្តាទាំងអស់នេះ។ ចំណែកឯគ្រួសារគួរមានតួនាទីដាស់តឿនស្មារតីកូនៗឱ្យមានការភ្ញាក់រលឹក ណែនាំកែលម្អរដល់គាត់ឱ្យយល់ច្បាស់ពីតម្លៃនៃការសិក្សារៀនសូត្រ តាមដានការសិក្សា ផ្តល់កម្លាំងចិត្ត ព្រមទាំងជួយគាំទ្រផ្នែកហិរញ្ញវត្ថុលើការសិក្សារៀនសូត្រ និងការរស់នៅផងដែរ។ មិនតែប៉ុណ្ណោះសិស្សខ្លួនឯងក៏គួរតែមានគោលដៅច្បាស់លាស់ក្នុងកាសិក្សារៀនសូត្រ ធ្វើស្វ័យសិក្សា កិច្ចការផ្ទះ រំលឹកមេរៀន គោរពច្បាប់វិន័យសាលារៀន មករៀនឱ្យបានទៀងទាត់ មានភាពក្លាហានក្នុងបញ្ចេញមតិ ហ៊ានសួរសំណួរពេលមិនយល់ជាដើម។ ម៉្យាងវិញទៀត គ្រូបង្រៀនគួរមានវិធីសាស្ត្របង្រៀន និងយុទ្ធវិធីល្អៗក្នុងការពន្យល់សិស្សឱ្យសាកសមនឹងខ្លឹមសារមេរៀន ជាពិសេសមេរៀនដែលត្រូវមានការពិសោធន៍។ រីឯសាលារៀនក៏គួរមានកន្លែងស្វ័យសិក្សា គ្រឿងបរិក្ខាបរិបូណ៍ដូចជា បណ្ណាល័យ កុំព្យូទ័រ […]

Read Post

31/12/2024 • Sokmean Phann

Teachers’ Challenges in Implementing Inquiry-Based Learning in Grade 8 Science Subject

វិធីសាស្ត្របង្រៀន និងរៀនតាមបែបរិះរក គឺជាវិធីសាស្ត្របង្រៀនដ៏ល្អមួយ ដែលក្រសួងអប់រំ យុវជន និងកីឡាលើកទឹកចិត្តឱ្យប្រើប្រាស់នៅក្នុងការបង្រៀន និងរៀន ដើម្បីពង្រឹងការគិតបែបវិទ្យាសាស្ត្រ និងជម្រុញបំណិនសតវត្សទី២១ របស់សិស្ស។ យ៉ាងណាមិញការអនុវត្តវិធីសាស្ត្របង្រៀន និងរៀនតាមបែបរិះរកនៅតែជួបបញ្ហា ដោយគ្រូបង្រៀនបានអះអាងថា ការបង្រៀន និងរៀនតាមបែបរិះរកពោរពេញដោយការលំបាក និងមិនសម្រេចវត្ថុបំណងមេរៀនបានពេញលេញ។ បន្ថែមពីនោះគ្រូបង្រៀននៅមិនទាន់យល់ច្បាស់ និងបារម្ភពីសមត្ថភាពរបស់ខ្លួន នៅក្នុងការបង្រៀនដោយប្រើប្រាស់វិធីសាស្ត្របង្រៀន និងរៀនតាមបែបរិះរក។ ការស្រាវជ្រាវនេះ មានគោលបំណងស្វែងរកបញ្ហាប្រឈម ឬបញ្ហារារាំងដែលធ្វើឱ្យគ្រូបង្រៀន មិនអាចអនុវត្តវិធីសាស្ត្របង្រៀន និងរៀនតាមបែបរិះរក នៅក្នុងការបង្រៀនរបស់ពួកគាត់។ ការស្រាវជ្រាវនេះប្រើប្រាស់វិធីសាស្ត្រស្រាវជ្រាវតាមបែបបរិមាណវិស័យ និងបានធ្វើឡើងនៅក្នុងវិទ្យាល័យរដ្ឋមួយនៅក្នុងរាជធានីភ្នំពេញ ។ គ្រូបង្រៀនមុខវិជ្ជាវិទ្យាសាស្ត្រថ្នាក់ទី៨ ចំនួន១៩នាក់ (ស្រី១១នាក់) ត្រូវបានជ្រើសរើសជាសំណាកស្រាវជ្រាវតាមវិធីសាស្ត្រកំណត់លក្ខណៈវិនិច្ឆ័យជាមុន។ ឧបករណ៍នៃការស្រាវជ្រាវគឺការប្រើប្រាស់កម្រងសំណួរបំពេញតាមមាត្រដ្ឋាន Likert។ ទិន្នន័យដែលទទួលបាន ត្រូវបាន វិភាគដោយប្រើប្រាស់កម្មវិធី Microsoft Excel ដើម្បីស្វែងរកភាគរយ និងតម្លៃមធ្យម របស់ប្រយោគនីមួយៗ ក្នុងកម្រងសំណួរ។ លទ្ធផលនៃការស្រាវជ្រាវបានបង្ហាញឱ្យឃើញថា គ្រូបង្រៀនបានជួបបញ្ហាប្រឈម និងឧបសគ្គរារាំងមួយចំនួនដែលធ្វើឱ្យពួកគាត់លំបាកក្នុងការអនុវត្តវិធីសាស្ត្របង្រៀន និងរៀនតាមបែបរិះរក ក្នុងមុខវិជ្ជាវិទ្យាសាស្ត្រនៅកម្រិតថ្នាក់ទី៨ ដូចជា៖ (1) កត្តាម៉ោងបង្រៀនមិនគ្រប់គ្រាន់ និងកម្មវិធីសិក្សាដែលមានខ្លឹមសារច្រើន (Mean = […]

Read Post

31/12/2024 • UK Sam Ang, KOEURN Pisey, CHHORN Mai, LEANG Ngovheng, TOCH Chanthon

Department of Sciences

Waste Management in Phnom Penh Teacher Education College

សំរាម គឺជាបញ្ហាចោទមួយដ៏សំខាន់ចំពោះបរិស្ថាន ដែលទាមទារអោយមានការដោះស្រាយ និងការគ្រប់គ្រងប្រកបដោយប្រសិទ្ធភាព។ ការស្រាវជ្រាវនេះផ្តោតលើការគ្រប់គ្រងសំរាមនៅ ក្នុងបរិវេណវិទ្យាស្ថានគរុកោសល្យរាជធានីភ្នំពេញដែលមានគោលបំណងស្វែងយល់ពីស្ថានភាពទូទៅនៃការគ្រប់គ្រងសំរាមនៅក្នុងវិទ្យាស្ថានគរុកោសល្យរាជធានី ភ្នំពេញ។ អ្នកសិក្សាស្រាវជ្រាវប្រើវិធីសាស្ត្របែបបរិមាណវិស័យ និងប្រើប្រាស់កម្រងសំណួរដោយការស្ទង់មតិតាមរយ:គរុនិស្សិតឆ្នាំទី១ជំនាន់ទី៤ នៅវិទ្យាស្ថានគរុកោសល្យរាជធានីភ្នំពេញចំនួន ៦៧នាក់ តាមរយៈការប្រើប្រាស់កម្រងសំណួរដោយ Google Form និងប្រើប្រាស់កម្មវិធី SPSS22.0 សម្រាប់វិភាគស្វែងយល់នូវគំនិតយល់ឃើញរបស់គរុនិស្សិតទាក់ទៅនឹងការគ្រប់គ្រងសំរាម។ លទ្ធផលបានបង្ហាញថា ការគ្រប់គ្រងសំរាមនៅវិទ្យាស្ថានគរុកោសល្យរាជធានីភ្នំពេញ គឺមានការគ្រប់គ្រងបានល្អ ពោលគឺមានបញ្ហាតែបន្តិចបន្តួចប៉ុណ្ណោះ ដោយថ្នាក់ដឹកនាំមានការគ្រប់គ្រង និងយកចិត្តទុកដាក់បានយ៉ាងប្រសើរ តួយ៉ាងការមិនដាក់ប្រើប្រាស់ធុងសំរាម និងការយកសំរាមទៅចោលបានទៀងទាត់សុទ្ធតែជា កត្តាជំរុញដល់ការគ្រប់គ្រងសំរាមក្នុងបរិវេណវិទ្យាស្ថានប្រកបដោយប្រសិទ្ធភាព។ Waste is a major environmental problem that requires effective management and resolution. This research focuses on waste management in the Phnom Penh Pedagogical Institute, aiming to understand the general […]

Read Post

31/12/2024 • samnang pon

The Impact of ChatGPT Integration in English Language Teacher Education at Phnom Penh Teacher Education College

This study explores the integration of ChatGPT in English Language Teacher Education at Phnom Penh Teacher Education College (PTEC). The rapid advancement of AI in education, particularly the introduction of ChatGPT, has sparked interest in its potential to enhance teaching methods. However, its application in developing countries like Cambodia remains at its starting stage. This […]

Read Post

31/12/2024 • ,

Implementation of Student Teachers’ Self-Assessment to Improve Student Learning Outcomes and Their Attitude Towards Self-Assessment: A Case Study of Student Teachers at Phnom Penh Teacher Education College

ការសិក្សាគឺជាដំណើរការស្មុគស្មាញ មួយដែលមិនអាចខ្វះបានការវាយតម្លៃដើម្បីត្រួតពិនិត្យវឌ្ឍនភាពសិក្សា និងសមត្ថភាពសិក្សារបស់សិស្ស។ តែជាធម្មតាការសិក្សាភាគច្រើនមិនបានមើលលើការធ្វើស្វ័យវាយតម្លៃរបស់សិស្សឡើយ។ ម៉្លោះហើយការសិក្សានេះមានបំណង ស្វែងរកឥទ្ធិពលរបស់ស្វ័យសិក្សារបស់គរុនិស្សិតលើលទ្ធផលសិក្សារបស់គរុនិស្សិត និង សិក្សាពីឥរិយាថរបស់គរុនិស្សិតចំពោះស្វ័យសិក្សានេះ។ ការសិក្សាស្រាវជ្រាវនេះ ជាប្រភេទពិសោធន៍មួយក្រុម (Pre-experimental research design) ថ្នាក់គរុនិស្សិតឯកទេសរូបវិទ្យា ឆ្នាំទី២ ឆមាសទី២ ដោយការប្រើបច្ចេកទេសរើសសំណាកបែបងាយស្រួល (convenience sampling) កំណត់ដោយការិយាល័យសិក្សានិងវិក្រឹត្យការ មានចំនួន ២៥នាក់។ ឧបករណ៍ស្រាវជ្រាវមានពីរប្រភេទ៖ ១. បុរេតេស្ត និងតេស្តបញ្ចប់សម្រាប់វាស់វែងលទ្ធផលសិក្សារបស់គរុនិស្សិត និង ២. ទម្រង់ស្វ័យវាយតម្លៃរបស់គរុនិស្សិត។ លទ្ធផលនៃការស្រាវជ្រាវបង្ហាញឱ្យឃើញថា លទ្ធផលសិក្សារបស់គរុនិស្សិតពិតជាកើនឡើងពីមានពិន្ទុ មធ្យមភាគ ១៤.០៤ និងគម្លាតស្តង់ដា ៤.៥៨ នៅបុរេតេស្ត ដល់ ពិន្ទុមធ្យម ២៧.៤៨ និងគម្លាតស្តង់ដាតូចជាមុន ២.៧០ និងតម្លៃ p តូចជាង ០.០៥ តាមស្ថិតិបែបសន្និដ្ឋានតាម paired-sample t-Test តាមកម្មវិធី Excel 2019។ លទ្ធផលការសិក្សាឆ្លើយតបនឹងវត្ថុបំណងទី ២ បង្ហាញ ខ្លឹមសារសំខាន់ៗ […]

Read Post

31/12/2024 • YET SOKNOENG, NOV SAMBAT, SEM HENG, NHEM KIMENG, NGET CNANDA

Department of Sciences

Impact of people in the area along the sewer around Stung Meanchey

ក្នុងការសិក្សាស្រាវជ្រាវទៅលើប្រធានបទអំពីផលប៉ះពាល់មានតួនាទីយ៉ាងសំខាន់ក្នុងការផ្តល់នូវចំណេះដឹង និងបទពិសោធជាច្រើនដល់អ្នកស្រាវជ្រាវ។ ការសិក្សាស្រាវជ្រាវទៅលើប្រធានបទអំពីផលប៉ះពាល់របស់ប្រជាពលរដ្ឋនៅតាមតំបន់ប្រឡាយទឹកសំអុយនៅក្នុងសង្កាត់ស្ទឹងមានជ័យមានគោលបំណង គឺដើម្បីយល់ដឹងទៅអំពីផលប៉ះពាល់ និងសំណូមពររបស់ប្រជាពលរដ្ឋនៅក្នុងសង្កាត់ស្ទឹងមានជ័យ។ ការសិក្សាស្រាវជ្រាវនេះបានប្រើប្រាស់ការស្រាវជ្រាវតាមបែបបរិមាណវិស័យដែលមានការចូលរួមពីប្រជាពលរដ្ឋចំនួន 18នាក់ក្នុងនោះស្រីមានចំនួន ០១នាក់។ អ្នកសិក្សាស្រាវជ្រាវបានប្រើប្រាស់កម្រងសំណួរក្នុងការស្ទង់មតិតាមរយៈ google form ហើយចំពោះទិន្នន័យដែលប្រមូលបានគឺវិភាគតាមរយៈកម្មវិធី SPSS 22 លើស្ថិតិពិពណ៌នា។ លទ្ធផលបានបង្ហាញថា ការសិក្សាស្រាវជ្រាវពីតំបន់ប្រឡាយទឹកសំអុយក្នុងសង្កាត់ស្ទឹងមានជ័យមានផលប៉ះពាល់ជាខ្លាំង។ ដោយមើលឃើញផលប៉ះពាល់ទាំងនេះហើយទើបធ្វើឲ្យប្រជាពលរដ្ឋនៅក្នុងតំបន់នោះមានសំណូមពរជាច្រើន ដើម្បីឲ្យមានការកែលម្អប្រព័ន្ធគ្រប់គ្រងប្រឡាយទឹកសំអុយ និងអភិវឌ្ឍន៍នៅតំបន់ក្នុងសង្កាត់ស្ទឹងមានជ័យឲ្យបានល្អប្រសើរជាងមុន។ In the study of the topic of impact, it plays an important role in providing knowledge and experience to researchers. The study of the topic of the impact of residents in the sewage canal area […]

Read Post

31/12/2024 • , ,

The Challenges and Solutions of Self-Directed Learning in English Courses at Phnom Penh Teacher Education College (PTEC)

ការសិក្សានៅវិទ្យាស្ថានគរុកោសល្យរាជធានីភ្នំពេញនេះ (PTEC) ត្រូវបានធ្វើឡើងដើម្បីស្វែងយល់ពីបញ្ហាប្រឈម និងយុទ្ធសាស្ត្រនៃការសិក្សាបែបស្វ័យដឹកនាំ (SDL) នៅក្នុងវគ្គសិក្សាភាសាអង់គ្លេស។ ទោះបីជាអត្ថប្រយោជន៍ដែលត្រូវបានទទួលស្គាល់របស់ SDL ដែលរួមមានការលើកកម្ពស់ជំនាញសិក្សាពេញមួយជីវិត និងធ្វើឱ្យមានការអនុវត្តកាន់តែមានប្រសិទ្ធភាពក្នុងចំណោមអ្នកសិក្សាក៏ដោយ ការអនុវត្តរបស់វានៅក្នុងប្រទេសកម្ពុជានៅតែមានភាពតិចតួចនៅឡើយ ជាមួយនឹងការស្រាវជ្រាវក៏នៅមានកម្រិតតិចតួចផងដែរទាក់ទងនឹងបញ្ហាប្រឈមក្នុងការអនុវត្តវា។ តាមរយៈទិន្នន័យបែបគុណវិស័យដែលទទួលបានពីការសម្ភាសន៍ជាមួយនិស្សិតឆ្នាំទី 3 បានបង្ហាញពីបញ្ហាប្រឈមក្នុងការសិក្សាបែបស្វ័យដឹកនាំក្នុងការសិក្សាភាសាអង់គ្លេស។ លទ្ធផលនៃការស្រាវជ្រាវនេះកំណត់បាននូវឧបសគ្គសំខាន់ៗក្នុងការអនុវត្ត SDL ដូចជា ការខ្វះទំនុកចិត្តលើខ្លួនឯងក្នុងការសិក្សាបែបស្វ័យដឹកនាំ មេរៀនស្មុគស្មាញ ពិបាកយល់ ការស្វែងយល់ពីឫសគល់នៃបញ្ហាសិក្សា ការកំណត់គោលដៅច្បាស់លាស់ ការគ្រប់គ្រងពេលវេលា និងកង្វះការគាំទ្រ។ ការរកឃើញតាមរយៈឯកសារស្រាវជ្រាវពាក់ព័ន្ធបានបង្ហាញពីតម្រូវការសម្រាប់ធនធាន ការណែនាំច្បាស់លាស់ និងការគាំទ្រពីស្ថាប័នដើម្បីបង្កើនប្រសិទ្ធភាពនៃការសិក្សាបែបស្វ័យដឹកនាំ។ ការស្រាវជ្រាវនេះរួមចំណែកដល់ការយល់ដឹងអំពី SDL ក្នុងការអភិវឌ្ឍន៍ការសិក្សា និងផ្តល់ដំណោះស្រាយជាក់ស្តែងសម្រាប់បញ្ហាប្រឈមក្នុងគោលបំណងធ្វើឱ្យប្រសើរឡើងនូវការអប់រំភាសាអង់គ្លេសនៅ PTEC ។

Read Post

31/12/2024 • Heng Oudomphearun

Department of Sciences

Student perspectives on self-directed learning in Batch 3 Year 3, PTEC: A Perspective Survey

ការសិក្សាបែបស្វ័យដឹកនាំ (Self-Directed Learning, SDL) កំពុងដើរតួយ៉ាងខ្លាំងក្នុងការអប់រំ និងការស្រាវជ្រាវជាច្រើនទសវត្សកន្លងមក។ ការសិក្សាបែបស្វ័យដឹកនាំបានបង្កើនភាពជោគជ័យរបស់និស្សិតក្នុងការសិក្សា។ ការសិក្សាលើប្រធានបទ ការយល់ឃើញអំពីការសិក្សាបែបស្វ័យដឹកនាំរបស់គរុនិស្សិតជំនាន់ទី៣ ឆ្នាំទី3 នៅវិទ្យាស្ថានគរុកោសល្យរាជធានីភ្នំពេញ មានគោលបំណងស្វែងយល់ពីការយល់ឃើញអំពីការសិក្សាបែបស្វ័យដឹកនាំរបស់ពួកគេ។ ការសិក្សានេះប្រើប្រាស់ការស្រាវជ្រាវតាមបែបបរិមាណវិស័យ មានគរុនិស្សិតចូលរួម 205 នាក់។ អ្នកស្រាវជ្រាវបានប្រើប្រាស់កម្រងសំណួរស្ទង់មតិមាត្រដ្ឋាន Likert មាន 4 កម្រិត ហើយទិន្នន័យបានវិភាគដោយកម្មវិធី SPSS 22 លើស្ថិតិពិពណ៌នា និងស្ថិតិសន្និដ្ឋាន។ អ្នកស្រាវជ្រាវបានប្រើប្រាស់សន្ទស្សន៍តម្លៃមធ្យម (Weight Average Index, WAI) សម្រាប់វិភាគស្វែងរកគំនិតយល់ឃើញជារួមរបស់សិស្សលើប្រភេទសំណួរកម្រិត Likert។ លទ្ធផលបង្ហាញថា ការសិក្សាបង្ហាញថាគរុនិស្សិតឆ្នាំទី3 ជំនាន់ទី3 ក្នុងឆ្នាំសិក្សា 2023-2024 មានការសិក្សាបែបស្វ័យដឹកនាំល្អ។ ពួកគេមានការត្រៀមខ្លួនដើម្បីរៀន មានគោលដៅច្បាស់លាស់ ចូលរួមអនុវត្តផែនការសកម្មភាព និងវាយតម្លៃដំណើរការ និងលទ្ធផលនៃការសិក្សាបែបស្វ័យដឹកនាំឱ្យបានជាប្រចាំ។ ការសិក្សាបែបស្វ័យដឹកនាំមានសារៈសំខាន់ ក្នុងការអភិវឌ្ឍសមត្ថភាពអ្នកសិក្សា និងស្វ័យភាពគ្រប់គ្រាន់ក្នុងពេលធ្វើកិច្ចការ បណ្តុះគំនិតឱ្យស្រឡាញ់ការរៀនសូត្រពេញមួយជីវិត ហើយទទួលជោគជ័យក្នុងការប្រតិបត្តិវិជ្ជាជីវៈ។ Self-Directed Learning (SDL) has been playing […]

Read Post

31/12/2024 • VONG Ren, LONG Kanha, PHON Sreylin

Department of Sciences

Classroom Student Teacher Practicum Environment: A Study of 3rd Year Student Teacher Pedalogical Practicum From PTEC

ការសិក្សាអំពី បរិយាកាសថ្នាក់រៀនរបស់កម្មសិក្សាការី ការិនី “ករណីសិក្សារបស់កម្មសិក្សាការី-ការិនីឆ្នាំទី៣ មកពីវិទ្យាស្ថានគរុកោសល្យរាជធានីភ្នំពេញ” មានគោលបំណង ដើម្បីស្វែងយល់ពីបរិយាកាសថ្នាក់រៀន និងផ្តល់អនុសាសន៍កែលម្អរសម្រាប់ចំនុចខ្វះខាតទៅលើការអនុវត្តស្តង់ដារវិជ្ជាជីវៈគ្រូបង្រៀនដែលអនុវត្តដោយគរុនិស្សិត ក្នុងពេលចុះកម្មសិក្សាគរុកោសល្យឆ្នាំទី៣។ អ្នកស្រាវជ្រាវបានប្រើប្រាស់វិធីសាស្ត្រស្រាវជ្រាវបែបបរិមាណវិស័យ ដោយជ្រើសរើសសំណាកគំរូពីគរុនិស្សិតចុះកម្មសិក្សាគរុកោសល្យនៅមណ្ឌលវិទ្យាល័យ ជា ស៊ីម សន្ធរម៉ុក មណ្ឌលវិទ្យាល័យព្រះយុគន្ធរ មណ្ឌលសាលាបឋមសិក្សាបឹងសាឡាង និងមណ្ឌលបឋមសិក្សាអនុវត្តរាជធានីចំនួន 83 នាក់ នាក់តាមរូបមន្តរបស់ Yamane 1967។ ក្នុងនោះអ្នកស្រាវជ្រាវបានប្រើប្រាស់ទម្រង់សង្កេត (សង្កេតផ្តោតលើស្តង់ដាវិជ្ជាជីវៈគ្រូបង្រៀនដែលអនុវត្តដោយគរុនិស្សិត) ជាមាត្រដ្ឋាន Likert 5 កម្រិត។ ការសិក្សានេះប្រើ SPSS (IBM SPSS Statistics 2022) ដើម្បីវិភាគទិន្នន័យ។ លទ្ធផលនៃការសិក្សានេះបានរកឃើញថា បរិយាកាសថ្នាក់រៀនរបស់កម្មសិក្សាការី ការិនី អំឡុងពេលអនុវត្តកម្មសិក្សាគរុកោសល្យឆ្នាំទី3 ជាវិជ្ជមាន គឺកម្មសិក្សាការី ការិនី មានចំណេះដឹងសមស្របក្នុងការបង្រៀន មានកិច្ចតែងការបង្រៀន អនុវត្តវិធីសាស្ត្របង្រៀនថ្មីៗ ល្អៗក្នុងការបង្រៀន និងគោរពពេលវេលាក្នុងការបង្រៀន។ ក្រៅពីនេះក៏មានចំណុចអវិជ្ជមានមួយចំនួនក្នុងពេលអនុវត្តកម្មសិក្សាគរុកោសល្យរបស់កម្មសិក្សាការី ការិនីឆ្នាំទី3 ដូចជាកម្មសិក្សាការី ការិនីមិនអាចគ្រប់គ្រងពេលវេលាបានល្អក្នុងម៉ោងបង្រៀន និងការគ្រប់គ្រងថ្នាក់រៀនមិនទាន់បានល្អ។ គរុនិស្សិតដែលចុះកម្មសិក្សាគួរយកចិត្តទុកដាក់រៀបចំ និងគ្រប់គ្រងពេលវេលាបង្រៀនឱ្យបានល្អថែមទៀត ដើម្បីបានសមស្របតាមផែនការកំណត់។ […]

Read Post

31/12/2024 • Roeurn Solinda

Strengthening Students’ Observation Skills Through the Implementation of Ethnography in Project Based Learning of Biology in Grade 7 A Case Study on Lesson of Flowering Plant

ការស្រាវជ្រាវលើប្រធានបទ “ការពង្រឹងបំណិនសង្កេតរបស់សិស្សតាមរយៈការអនុវត្តការសង្កេតជាក់លាក់(Ethnography)ក្នុងការសិក្សាបែបគម្រោងលើមុខវិជ្ជាជីវវិទ្យាថ្នាក់ទី៧៖ ករណីសិក្សាលើមេរៀនរុក្ខជាតិមានផ្កា” មានគោលបំណងសំខាន់ៗពីរគឺ (១) ស្វែងយល់ពីផលលំបាករបស់សិស្សនៅពេលសិក្សាតាមរយៈការសង្កេត (២) វិភាគលើបំណិនសង្កេតរបស់សិស្សក្រោយពីអនុវត្តការសង្កេតជាក់លាក់(Ethnography) ក្នុងការសិក្សាបែបគម្រោង។ ការសិក្សាបានធ្វើឡើងនៅវិទ្យាល័យជាស៊ីមសាមគ្គីក្នុងឆ្នាំសិក្សា ២០២២-២០២៣។ សំណាកគំរូត្រូវបានជ្រើសរើសដោយគោលបំណងដែលមានចំនួនសរុប៤១នាក់សម្រាប់ប្រមូលទិន្នន័យបែបបរិមាណវិស័យ និង៤នាក់សម្រាប់ទិន្នន័យគុណវិស័យ។ ការស្រាវជ្រាវត្រូវបានធ្វើឡើងដោយប្រើប្រាស់វិធីសាស្រ្តចម្រុះ ដែលមានកម្រងសំណួរស្ទង់មតិ កម្រងសំណួរសម្ភាសន៍ពាក់កណ្តាលរចនាសម្ព័ន ព្រមទាំងទម្រង់សង្កេត និងវាយតម្លៃដើម្បីប្រមូលទិន្នន័យ។ ទិន្នន័យបែបបរិមាណវិស័យត្រូវបានរៀបចំ និងវិភាគតាមរយៈកម្មវិធីSPSS (IBM SPSS statistic 22) និង Microsoft Excel 2016។ ចំណែកទិន្នន័យបែបគុណវិស័យត្រូវបានវិភាគទៅលើបញ្ហា និងស្ថានភាព។ លទ្ធផលនៃការស្រាវជ្រាវបានបង្ហាញឱ្យឃើញថា ការសិក្សាតាមការសង្កេតរបស់សិស្សានុសិស្សគឺជួបប្រទះនូវបញ្ហាមួយចំនួនដូចជា សិស្សមិនយល់ពីប្រធានបទសង្កេត មិនយល់ពីគោលបំណងច្បាស់លាស់ មិនដឹងពីរបៀបសង្កេតឱ្យបានត្រឹមត្រូវ គ្មានសន្លឹកកិច្ចការកត់ត្រា មិនមានពេលវេលាគ្រប់គ្រាន់ និងពិបាកផ្សារភ្ជាប់ខ្លឹមសារមរៀនទៅនឹងជីវវភាពប្រចាំថ្ងៃជាដើម។ បន្ទាប់ពីបានអនុវត្តការសង្កេតជាក់លាក់ (Ethnography) សិស្សទទួលបានបំណិនសង្កេតកាន់តែប្រសើរឡើងដែលអាចឆ្លើយតបទៅនឹងបំណិន និងរបៀបរៀនសតវត្សរ៍ទី២១។ អ្នកស្រាវជ្រាវបន្តគួរតែបំពេញបន្ថែមទៅលើចំណុចខ្វះខាតមួយចំនួនដូចជា ការបែងចែកតួនាទីនៅក្នុងក្រុមឱ្យបានច្បាស់ លើកទឹកចិត្តសិស្សឱ្យរាយការណ៍ជាប្រចាំនូវកិច្ចការដែលបានធ្វើដើម្បីតាមដានពីបញ្ហាប្រឈម និងវឌ្ឍនៈភាពរបស់សិស្សដើម្បីឈានទៅរកការស្វែងរកដំណោះស្រាយបានសមស្រប និងទាន់ពេលវេលា។

Read Post