ការសិក្សាបែបស្វ័យដឹកនាំ (Self-Directed Learning, SDL) កំពុងដើរតួយ៉ាងខ្លាំងក្នុងការអប់រំ និងការស្រាវជ្រាវជាច្រើនទសវត្សកន្លងមក។ ការសិក្សាបែបស្វ័យដឹកនាំបានបង្កើនភាពជោគជ័យរបស់និស្សិតក្នុងការសិក្សា។ ការសិក្សាលើប្រធានបទ ការយល់ឃើញអំពីការសិក្សាបែបស្វ័យដឹកនាំរបស់គរុនិស្សិតជំនាន់ទី៣ ឆ្នាំទី3 នៅវិទ្យាស្ថានគរុកោសល្យរាជធានីភ្នំពេញ មានគោលបំណងស្វែងយល់ពីការយល់ឃើញអំពីការសិក្សាបែបស្វ័យដឹកនាំរបស់ពួកគេ។ ការសិក្សានេះប្រើប្រាស់ការស្រាវជ្រាវតាមបែបបរិមាណវិស័យ មានគរុនិស្សិតចូលរួម 205 នាក់។ អ្នកស្រាវជ្រាវបានប្រើប្រាស់កម្រងសំណួរស្ទង់មតិមាត្រដ្ឋាន Likert មាន 4 កម្រិត ហើយទិន្នន័យបានវិភាគដោយកម្មវិធី SPSS 22 លើស្ថិតិពិពណ៌នា និងស្ថិតិសន្និដ្ឋាន។ អ្នកស្រាវជ្រាវបានប្រើប្រាស់សន្ទស្សន៍តម្លៃមធ្យម (Weight Average Index, WAI) សម្រាប់វិភាគស្វែងរកគំនិតយល់ឃើញជារួមរបស់សិស្សលើប្រភេទសំណួរកម្រិត Likert។ លទ្ធផលបង្ហាញថា ការសិក្សាបង្ហាញថាគរុនិស្សិតឆ្នាំទី3 ជំនាន់ទី3 ក្នុងឆ្នាំសិក្សា 2023-2024 មានការសិក្សាបែបស្វ័យដឹកនាំល្អ។ ពួកគេមានការត្រៀមខ្លួនដើម្បីរៀន មានគោលដៅច្បាស់លាស់ ចូលរួមអនុវត្តផែនការសកម្មភាព និងវាយតម្លៃដំណើរការ និងលទ្ធផលនៃការសិក្សាបែបស្វ័យដឹកនាំឱ្យបានជាប្រចាំ។ ការសិក្សាបែបស្វ័យដឹកនាំមានសារៈសំខាន់ ក្នុងការអភិវឌ្ឍសមត្ថភាពអ្នកសិក្សា និងស្វ័យភាពគ្រប់គ្រាន់ក្នុងពេលធ្វើកិច្ចការ បណ្តុះគំនិតឱ្យស្រឡាញ់ការរៀនសូត្រពេញមួយជីវិត ហើយទទួលជោគជ័យក្នុងការប្រតិបត្តិវិជ្ជាជីវៈ។

Self-Directed Learning (SDL) has been playing a vital role in education and research for decades. Self-directed learning increases student achievement. The study on the topic of Student perspectives on self-directed learning in Batch 3 Year 3, PTEC: A Perspective Survey aims to explore student teacher perceptions of self-directed learning. This study used a quantitative, involving 205 student teachers. The researchers used a four-level Likert scale questionnaire and the data were analyzed by SPSS 22 on descriptive and inferential statistics...