/ Publications / Academic Publication / Teachers' Challenges in Implementing Inquiry-Based Learning in Grade 8 Science Subject

Teachers' Challenges in Implementing Inquiry-Based Learning in Grade 8 Science Subject

Facebook Telegram
65 Views
Author Avatar SRIENG Kimsron
Avatar Sam Ol KONG
Avatar Somalida Tann
+1 more

Abstract

វិធីសាស្ត្របង្រៀន និងរៀនតាមបែបរិះរក គឺជាវិធីសាស្ត្របង្រៀនដ៏ល្អមួយ ដែលក្រសួងអប់រំ យុវជន និងកីឡាលើកទឹកចិត្តឱ្យប្រើប្រាស់នៅក្នុងការបង្រៀន និងរៀន ដើម្បីពង្រឹងការគិតបែបវិទ្យាសាស្ត្រ និងជម្រុញបំណិនសតវត្សទី២១ របស់សិស្ស។ យ៉ាងណាមិញការអនុវត្តវិធីសាស្ត្របង្រៀន និងរៀនតាមបែបរិះរកនៅតែជួបបញ្ហា ដោយគ្រូបង្រៀនបានអះអាងថា ការបង្រៀន និងរៀនតាមបែបរិះរកពោរពេញដោយការលំបាក និងមិនសម្រេចវត្ថុបំណងមេរៀនបានពេញលេញ។ បន្ថែមពីនោះគ្រូបង្រៀននៅមិនទាន់យល់ច្បាស់ និងបារម្ភពីសមត្ថភាពរបស់ខ្លួន នៅក្នុងការបង្រៀនដោយប្រើប្រាស់វិធីសាស្ត្របង្រៀន និងរៀនតាមបែបរិះរក។ ការស្រាវជ្រាវនេះ មានគោលបំណងស្វែងរកបញ្ហាប្រឈម ឬបញ្ហារារាំងដែលធ្វើឱ្យគ្រូបង្រៀន មិនអាចអនុវត្តវិធីសាស្ត្របង្រៀន និងរៀនតាមបែបរិះរក នៅក្នុងការបង្រៀនរបស់ពួកគាត់។ ការស្រាវជ្រាវនេះប្រើប្រាស់វិធីសាស្ត្រស្រាវជ្រាវតាមបែបបរិមាណវិស័យ និងបានធ្វើឡើងនៅក្នុងវិទ្យាល័យរដ្ឋមួយនៅក្នុងរាជធានីភ្នំពេញ ។ គ្រូបង្រៀនមុខវិជ្ជាវិទ្យាសាស្ត្រថ្នាក់ទី៨ ចំនួន១៩នាក់ (ស្រី១១នាក់) ត្រូវបានជ្រើសរើសជាសំណាកស្រាវជ្រាវតាមវិធីសាស្ត្រកំណត់លក្ខណៈវិនិច្ឆ័យជាមុន។ ឧបករណ៍នៃការស្រាវជ្រាវគឺការប្រើប្រាស់កម្រងសំណួរបំពេញតាមមាត្រដ្ឋាន Likert។ ទិន្នន័យដែលទទួលបាន ត្រូវបាន វិភាគដោយប្រើប្រាស់កម្មវិធី Microsoft Excel ដើម្បីស្វែងរកភាគរយ និងតម្លៃមធ្យម របស់ប្រយោគនីមួយៗ ក្នុងកម្រងសំណួរ។ លទ្ធផលនៃការស្រាវជ្រាវបានបង្ហាញឱ្យឃើញថា គ្រូបង្រៀនបានជួបបញ្ហាប្រឈម និងឧបសគ្គរារាំងមួយចំនួនដែលធ្វើឱ្យពួកគាត់លំបាកក្នុងការអនុវត្តវិធីសាស្ត្របង្រៀន និងរៀនតាមបែបរិះរក ក្នុងមុខវិជ្ជាវិទ្យាសាស្ត្រនៅកម្រិតថ្នាក់ទី៨ ដូចជា៖ (1) កត្តាម៉ោងបង្រៀនមិនគ្រប់គ្រាន់ និងកម្មវិធីសិក្សាដែលមានខ្លឹមសារច្រើន (Mean = 4.10, SD = 0.31), (2) កត្តា កង្វះខាតសម្ភារៈបម្រើឱ្យការបង្រៀន និងរៀន (Mean = 3.89, SD = 0.65), (3) កត្តាសមត្ថភាពសិស្សនៅមានកម្រិត និងចំនួនសិស្សច្រើននៅក្នុងថ្នាក់រៀន (Mean = 4.10, SD = 0.65) និង (4) កត្តាកង្វះការលើកទឹកចិត្តដល់គ្រូ (Mean = 3.26, SD = 0.80)។ ដូច្នេះ សាលារៀន និងអ្នកពាក់ព័ន្ធនៅក្នុងប្រព័ន្ធអប់រំ គួរសហការគ្នាក្នុងការដោះស្រាយបញ្ហាប្រឈម និងឧបសគ្គរារាំងដែលបានជួបប្រទះ និងលើកទឹកចិត្តគ្រូបង្រៀនឱ្យបានច្រើន ក្នុងការអនុវត្តវិធីសាស្ត្របង្រៀន និងរៀនតាមបែបរិះរក និងវិធីសាស្ត្របង្រៀន និងរៀនបែបថ្មីផ្សេងទៀត ដែលស្របតាមគោលវិធីសិស្សមជ្ឈមណ្ឌល ធ្វើឱ្យសិស្សមានសកម្មភាពរៀនសូត្រច្រើន ចេះគិតត្រិះរិះពិចារណា ចេះដោះស្រាយបញ្ហា និងមានបំណិននៅក្នុងការរិះរកខ្លឹមសារមេរៀន។

Keywords

Teacher Educator Action Research

Document Preview

No Document Attached

The author has not attached an interactive PDF or live document preview for this resource yet.

Share

Discussion & Comments 0

Join the conversation. Leave your feedback or reply in English or ភាសាខ្មែរ.

Leave a Comment

Sign in with Google to Post a Comment / ចូលប្រើប្រាស់ដើម្បីបញ្ចេញមតិ

Connect your Google Account to comment using your institutional identity.

Please sign in with Google above to unlock the comment text area and share your feedback...

Supports Khmer (Siemreap Font) & English Post Comment

Organization Details

Faculty
Faculty of Sciences Education
Department
Department of Sciences

Publication Status

Review Status
Approved
Verified
Public Access
Available across institutional repository

Publication Type

Teacher Educator Action Research

Post Details

All Authors
SRIENG Kimsron, Sam Ol KONG, Somalida Tann, Sokmean Phann
Academic Year
2023-2024
Document Access Control
default
Academic Journal / Research Journal
Action Research Series Volume 4, 2024
Published On
December 31, 2024

Latest Related Posts

31/12/2024 • , ,

The Challenges and Solutions of Self-Directed Learning in English Courses at Phnom Penh Teacher Education College (PTEC)

ការសិក្សានៅវិទ្យាស្ថានគរុកោសល្យរាជធានីភ្នំពេញនេះ (PTEC) ត្រូវបានធ្វើឡើងដើម្បីស្វែងយល់ពីបញ្ហាប្រឈម និងយុទ្ធសាស្ត្រនៃការសិក្សាបែបស្វ័យដឹកនាំ (SDL) នៅក្នុងវគ្គសិក្សាភាសាអង់គ្លេស។ ទោះបីជាអត្ថប្រយោជន៍ដែលត្រូវបានទទួលស្គាល់របស់ SDL ដែលរួមមានការលើកកម្ពស់ជំនាញសិក្សាពេញមួយជីវិត និងធ្វើឱ្យមានការអនុវត្តកាន់តែមានប្រសិទ្ធភាពក្នុងចំណោមអ្នកសិក្សាក៏ដោយ ការអនុវត្តរបស់វានៅក្នុងប្រទេសកម្ពុជានៅតែមានភាពតិចតួចនៅឡើយ ជាមួយនឹងការស្រាវជ្រាវក៏នៅមានកម្រិតតិចតួចផងដែរទាក់ទងនឹងបញ្ហាប្រឈមក្នុងការអនុវត្តវា។ តាមរយៈទិន្នន័យបែបគុណវិស័យដែលទទួលបានពីការសម្ភាសន៍ជាមួយនិស្សិតឆ្នាំទី 3 បានបង្ហាញពីបញ្ហាប្រឈមក្នុងការសិក្សាបែបស្វ័យដឹកនាំក្នុងការសិក្សាភាសាអង់គ្លេស។ លទ្ធផលនៃការស្រាវជ្រាវនេះកំណត់បាននូវឧបសគ្គសំខាន់ៗក្នុងការអនុវត្ត SDL ដូចជា ការខ្វះទំនុកចិត្តលើខ្លួនឯងក្នុងការសិក្សាបែបស្វ័យដឹកនាំ មេរៀនស្មុគស្មាញ ពិបាកយល់ ការស្វែងយល់ពីឫសគល់នៃបញ្ហាសិក្សា ការកំណត់គោលដៅច្បាស់លាស់ ការគ្រប់គ្រងពេលវេលា និងកង្វះការគាំទ្រ។ ការរកឃើញតាមរយៈឯកសារស្រាវជ្រាវពាក់ព័ន្ធបានបង្ហាញពីតម្រូវការសម្រាប់ធនធាន ការណែនាំច្បាស់លាស់ និងការគាំទ្រពីស្ថាប័នដើម្បីបង្កើនប្រសិទ្ធភាពនៃការសិក្សាបែបស្វ័យដឹកនាំ។ ការស្រាវជ្រាវនេះរួមចំណែកដល់ការយល់ដឹងអំពី SDL ក្នុងការអភិវឌ្ឍន៍ការសិក្សា និងផ្តល់ដំណោះស្រាយជាក់ស្តែងសម្រាប់បញ្ហាប្រឈមក្នុងគោលបំណងធ្វើឱ្យប្រសើរឡើងនូវការអប់រំភាសាអង់គ្លេសនៅ PTEC ។

31/12/2024 • UK Sam Ang, KOEURN Pisey, CHHORN Mai, LEANG Ngovheng, TOCH Chanthon
Department of Sciences

Waste Management in Phnom Penh Teacher Education College

សំរាម គឺជាបញ្ហាចោទមួយដ៏សំខាន់ចំពោះបរិស្ថាន ដែលទាមទារអោយមានការដោះស្រាយ និងការគ្រប់គ្រងប្រកបដោយប្រសិទ្ធភាព។ ការស្រាវជ្រាវនេះផ្តោតលើការគ្រប់គ្រងសំរាមនៅ ក្នុងបរិវេណវិទ្យាស្ថានគរុកោសល្យរាជធានីភ្នំពេញដែលមានគោលបំណងស្វែងយល់ពីស្ថានភាពទូទៅនៃការគ្រប់គ្រងសំរាមនៅក្នុងវិទ្យាស្ថានគរុកោសល្យរាជធានី ភ្នំពេញ។ អ្នកសិក្សាស្រាវជ្រាវប្រើវិធីសាស្ត្របែបបរិមាណវិស័យ និងប្រើប្រាស់កម្រងសំណួរដោយការស្ទង់មតិតាមរយ:គរុនិស្សិតឆ្នាំទី១ជំនាន់ទី៤ នៅវិទ្យាស្ថានគរុកោសល្យរាជធានីភ្នំពេញចំនួន ៦៧នាក់ តាមរយៈការប្រើប្រាស់កម្រងសំណួរដោយ Google Form និងប្រើប្រាស់កម្មវិធី SPSS22.0 សម្រាប់វិភាគស្វែងយល់នូវគំនិតយល់ឃើញរបស់គរុនិស្សិតទាក់ទៅនឹងការគ្រប់គ្រងសំរាម។ លទ្ធផលបានបង្ហាញថា ការគ្រប់គ្រងសំរាមនៅវិទ្យាស្ថានគរុកោសល្យរាជធានីភ្នំពេញ គឺមានការគ្រប់គ្រងបានល្អ ពោលគឺមានបញ្ហាតែបន្តិចបន្តួចប៉ុណ្ណោះ ដោយថ្នាក់ដឹកនាំមានការគ្រប់គ្រង និងយកចិត្តទុកដាក់បានយ៉ាងប្រសើរ តួយ៉ាងការមិនដាក់ប្រើប្រាស់ធុងសំរាម និងការយកសំរាមទៅចោលបានទៀងទាត់សុទ្ធតែជា កត្តាជំរុញដល់ការគ្រប់គ្រងសំរាមក្នុងបរិវេណវិទ្យាស្ថានប្រកបដោយប្រសិទ្ធភាព។ Waste is a major environmental problem that requires effective management and resolution. This research focuses on waste management in the Phnom Penh Pedagogical Institute, aiming to understand the general […]

31/12/2024 • Heng Oudomphearun
Department of Sciences

Student perspectives on self-directed learning in Batch 3 Year 3, PTEC: A Perspective Survey

ការសិក្សាបែបស្វ័យដឹកនាំ (Self-Directed Learning, SDL) កំពុងដើរតួយ៉ាងខ្លាំងក្នុងការអប់រំ និងការស្រាវជ្រាវជាច្រើនទសវត្សកន្លងមក។ ការសិក្សាបែបស្វ័យដឹកនាំបានបង្កើនភាពជោគជ័យរបស់និស្សិតក្នុងការសិក្សា។ ការសិក្សាលើប្រធានបទ ការយល់ឃើញអំពីការសិក្សាបែបស្វ័យដឹកនាំរបស់គរុនិស្សិតជំនាន់ទី៣ ឆ្នាំទី3 នៅវិទ្យាស្ថានគរុកោសល្យរាជធានីភ្នំពេញ មានគោលបំណងស្វែងយល់ពីការយល់ឃើញអំពីការសិក្សាបែបស្វ័យដឹកនាំរបស់ពួកគេ។ ការសិក្សានេះប្រើប្រាស់ការស្រាវជ្រាវតាមបែបបរិមាណវិស័យ មានគរុនិស្សិតចូលរួម 205 នាក់។ អ្នកស្រាវជ្រាវបានប្រើប្រាស់កម្រងសំណួរស្ទង់មតិមាត្រដ្ឋាន Likert មាន 4 កម្រិត ហើយទិន្នន័យបានវិភាគដោយកម្មវិធី SPSS 22 លើស្ថិតិពិពណ៌នា និងស្ថិតិសន្និដ្ឋាន។ អ្នកស្រាវជ្រាវបានប្រើប្រាស់សន្ទស្សន៍តម្លៃមធ្យម (Weight Average Index, WAI) សម្រាប់វិភាគស្វែងរកគំនិតយល់ឃើញជារួមរបស់សិស្សលើប្រភេទសំណួរកម្រិត Likert។ លទ្ធផលបង្ហាញថា ការសិក្សាបង្ហាញថាគរុនិស្សិតឆ្នាំទី3 ជំនាន់ទី3 ក្នុងឆ្នាំសិក្សា 2023-2024 មានការសិក្សាបែបស្វ័យដឹកនាំល្អ។ ពួកគេមានការត្រៀមខ្លួនដើម្បីរៀន មានគោលដៅច្បាស់លាស់ ចូលរួមអនុវត្តផែនការសកម្មភាព និងវាយតម្លៃដំណើរការ និងលទ្ធផលនៃការសិក្សាបែបស្វ័យដឹកនាំឱ្យបានជាប្រចាំ។ ការសិក្សាបែបស្វ័យដឹកនាំមានសារៈសំខាន់ ក្នុងការអភិវឌ្ឍសមត្ថភាពអ្នកសិក្សា និងស្វ័យភាពគ្រប់គ្រាន់ក្នុងពេលធ្វើកិច្ចការ បណ្តុះគំនិតឱ្យស្រឡាញ់ការរៀនសូត្រពេញមួយជីវិត ហើយទទួលជោគជ័យក្នុងការប្រតិបត្តិវិជ្ជាជីវៈ។ Self-Directed Learning (SDL) has been playing […]

31/12/2024 • Roeurn Solinda

Strengthening Students’ Observation Skills Through the Implementation of Ethnography in Project Based Learning of Biology in Grade 7 A Case Study on Lesson of Flowering Plant

ការស្រាវជ្រាវលើប្រធានបទ “ការពង្រឹងបំណិនសង្កេតរបស់សិស្សតាមរយៈការអនុវត្តការសង្កេតជាក់លាក់(Ethnography)ក្នុងការសិក្សាបែបគម្រោងលើមុខវិជ្ជាជីវវិទ្យាថ្នាក់ទី៧៖ ករណីសិក្សាលើមេរៀនរុក្ខជាតិមានផ្កា” មានគោលបំណងសំខាន់ៗពីរគឺ (១) ស្វែងយល់ពីផលលំបាករបស់សិស្សនៅពេលសិក្សាតាមរយៈការសង្កេត (២) វិភាគលើបំណិនសង្កេតរបស់សិស្សក្រោយពីអនុវត្តការសង្កេតជាក់លាក់(Ethnography) ក្នុងការសិក្សាបែបគម្រោង។ ការសិក្សាបានធ្វើឡើងនៅវិទ្យាល័យជាស៊ីមសាមគ្គីក្នុងឆ្នាំសិក្សា ២០២២-២០២៣។ សំណាកគំរូត្រូវបានជ្រើសរើសដោយគោលបំណងដែលមានចំនួនសរុប៤១នាក់សម្រាប់ប្រមូលទិន្នន័យបែបបរិមាណវិស័យ និង៤នាក់សម្រាប់ទិន្នន័យគុណវិស័យ។ ការស្រាវជ្រាវត្រូវបានធ្វើឡើងដោយប្រើប្រាស់វិធីសាស្រ្តចម្រុះ ដែលមានកម្រងសំណួរស្ទង់មតិ កម្រងសំណួរសម្ភាសន៍ពាក់កណ្តាលរចនាសម្ព័ន ព្រមទាំងទម្រង់សង្កេត និងវាយតម្លៃដើម្បីប្រមូលទិន្នន័យ។ ទិន្នន័យបែបបរិមាណវិស័យត្រូវបានរៀបចំ និងវិភាគតាមរយៈកម្មវិធីSPSS (IBM SPSS statistic 22) និង Microsoft Excel 2016។ ចំណែកទិន្នន័យបែបគុណវិស័យត្រូវបានវិភាគទៅលើបញ្ហា និងស្ថានភាព។ លទ្ធផលនៃការស្រាវជ្រាវបានបង្ហាញឱ្យឃើញថា ការសិក្សាតាមការសង្កេតរបស់សិស្សានុសិស្សគឺជួបប្រទះនូវបញ្ហាមួយចំនួនដូចជា សិស្សមិនយល់ពីប្រធានបទសង្កេត មិនយល់ពីគោលបំណងច្បាស់លាស់ មិនដឹងពីរបៀបសង្កេតឱ្យបានត្រឹមត្រូវ គ្មានសន្លឹកកិច្ចការកត់ត្រា មិនមានពេលវេលាគ្រប់គ្រាន់ និងពិបាកផ្សារភ្ជាប់ខ្លឹមសារមរៀនទៅនឹងជីវវភាពប្រចាំថ្ងៃជាដើម។ បន្ទាប់ពីបានអនុវត្តការសង្កេតជាក់លាក់ (Ethnography) សិស្សទទួលបានបំណិនសង្កេតកាន់តែប្រសើរឡើងដែលអាចឆ្លើយតបទៅនឹងបំណិន និងរបៀបរៀនសតវត្សរ៍ទី២១។ អ្នកស្រាវជ្រាវបន្តគួរតែបំពេញបន្ថែមទៅលើចំណុចខ្វះខាតមួយចំនួនដូចជា ការបែងចែកតួនាទីនៅក្នុងក្រុមឱ្យបានច្បាស់ លើកទឹកចិត្តសិស្សឱ្យរាយការណ៍ជាប្រចាំនូវកិច្ចការដែលបានធ្វើដើម្បីតាមដានពីបញ្ហាប្រឈម និងវឌ្ឍនៈភាពរបស់សិស្សដើម្បីឈានទៅរកការស្វែងរកដំណោះស្រាយបានសមស្រប និងទាន់ពេលវេលា។

31/12/2024 • VONG Ren, LONG Kanha, PHON Sreylin
Department of Sciences

Classroom Student Teacher Practicum Environment: A Study of 3rd Year Student Teacher Pedalogical Practicum From PTEC

ការសិក្សាអំពី បរិយាកាសថ្នាក់រៀនរបស់កម្មសិក្សាការី ការិនី “ករណីសិក្សារបស់កម្មសិក្សាការី-ការិនីឆ្នាំទី៣ មកពីវិទ្យាស្ថានគរុកោសល្យរាជធានីភ្នំពេញ” មានគោលបំណង ដើម្បីស្វែងយល់ពីបរិយាកាសថ្នាក់រៀន និងផ្តល់អនុសាសន៍កែលម្អរសម្រាប់ចំនុចខ្វះខាតទៅលើការអនុវត្តស្តង់ដារវិជ្ជាជីវៈគ្រូបង្រៀនដែលអនុវត្តដោយគរុនិស្សិត ក្នុងពេលចុះកម្មសិក្សាគរុកោសល្យឆ្នាំទី៣។ អ្នកស្រាវជ្រាវបានប្រើប្រាស់វិធីសាស្ត្រស្រាវជ្រាវបែបបរិមាណវិស័យ ដោយជ្រើសរើសសំណាកគំរូពីគរុនិស្សិតចុះកម្មសិក្សាគរុកោសល្យនៅមណ្ឌលវិទ្យាល័យ ជា ស៊ីម សន្ធរម៉ុក មណ្ឌលវិទ្យាល័យព្រះយុគន្ធរ មណ្ឌលសាលាបឋមសិក្សាបឹងសាឡាង និងមណ្ឌលបឋមសិក្សាអនុវត្តរាជធានីចំនួន 83 នាក់ នាក់តាមរូបមន្តរបស់ Yamane 1967។ ក្នុងនោះអ្នកស្រាវជ្រាវបានប្រើប្រាស់ទម្រង់សង្កេត (សង្កេតផ្តោតលើស្តង់ដាវិជ្ជាជីវៈគ្រូបង្រៀនដែលអនុវត្តដោយគរុនិស្សិត) ជាមាត្រដ្ឋាន Likert 5 កម្រិត។ ការសិក្សានេះប្រើ SPSS (IBM SPSS Statistics 2022) ដើម្បីវិភាគទិន្នន័យ។ លទ្ធផលនៃការសិក្សានេះបានរកឃើញថា បរិយាកាសថ្នាក់រៀនរបស់កម្មសិក្សាការី ការិនី អំឡុងពេលអនុវត្តកម្មសិក្សាគរុកោសល្យឆ្នាំទី3 ជាវិជ្ជមាន គឺកម្មសិក្សាការី ការិនី មានចំណេះដឹងសមស្របក្នុងការបង្រៀន មានកិច្ចតែងការបង្រៀន អនុវត្តវិធីសាស្ត្របង្រៀនថ្មីៗ ល្អៗក្នុងការបង្រៀន និងគោរពពេលវេលាក្នុងការបង្រៀន។ ក្រៅពីនេះក៏មានចំណុចអវិជ្ជមានមួយចំនួនក្នុងពេលអនុវត្តកម្មសិក្សាគរុកោសល្យរបស់កម្មសិក្សាការី ការិនីឆ្នាំទី3 ដូចជាកម្មសិក្សាការី ការិនីមិនអាចគ្រប់គ្រងពេលវេលាបានល្អក្នុងម៉ោងបង្រៀន និងការគ្រប់គ្រងថ្នាក់រៀនមិនទាន់បានល្អ។ គរុនិស្សិតដែលចុះកម្មសិក្សាគួរយកចិត្តទុកដាក់រៀបចំ និងគ្រប់គ្រងពេលវេលាបង្រៀនឱ្យបានល្អថែមទៀត ដើម្បីបានសមស្របតាមផែនការកំណត់។ […]

31/12/2024 • Khon Rortnak, Sort Sokhry, Phon Dalin, Vun Vin, Mai Sonita

Environmental Education: Opportunities Challenges and Recommendations

ការអប់រំបរិស្ថានដើរតួនាទីយ៉ាងសំខាន់ក្នុងការលើកកម្ពស់ការយល់ដឹង ការអនុវត្តប្រកបដោយនិរន្តរភាព និងការអភិវឌ្ឍពលរដ្ឋឱ្យមានជំនាញក្នុងការអភិរក្សបរិស្ថានប្រកបដោយចីរភាព។ បញ្ហាគន្លឹះនៅក្នុងការស្រាវជ្រាវនេះ គឺផ្តោតសំខាន់ទៅលើឱកាស និងបញ្ហាប្រឈមពាក់ព័ន្ធនឹងការអប់រំបរិស្ថាន។ ការសិក្សាស្រាវជ្រាវមានគោលបំណងសិក្សាអំពី (1)ឱកាសក្នុងការស្វែងយល់ពីការកែលម្អបរិស្ថានដែលយើងរស់នៅ (2)ស្វែងយល់ពីបញ្ហាប្រឈម (3)អនុសាសន៍។ ការសិក្សានេះប្រើវិធីសាស្ត្រតាមបែបបរិមាណវិស័យ។ អ្នកសិក្សាស្រាវជ្រាវបានប្រើប្រាស់កម្រងសំណួរស្ទង់មតិ ហើយទិន្នន័យវិភាគដោយកម្មវិធី SPSS 22.0 លើស្ថិតិពណ៌នា។ ការសិក្សានេះមានអ្នកចូលរួមចំនួន៦៥នាក់។ តាមការសិក្សាបង្ហាញថា សិស្ស អ្នកលក់ដូរ និងគរុនិស្សិត មានការយល់ដឹងពីការអប់រំបរិស្ថាន។ ពួកគេបានបញ្ជាក់ថាឱកាសក្នុងការស្វែងយល់ពីការកែលម្អបរិស្ថានដែលយើងរស់នៅគឺធ្វើឡើងតាមរយៈការអប់រំ ការចូលរួមផ្សព្វផ្សាយ ការបង្កើតសហគមន៍សកម្មភាពសម្អាត ការបង្ហាញ និងការលើកទឹកចិត្ត ការបង្កើតមូលនិធិការ និងចូលរួមសកម្មភាពរបស់រាជរដ្ឋាភិបាល។ តែបើយើងមិនបានសិក្សាពីការអប់រំបរិស្ថាន មនុស្សនឹងបន្ថែមបញ្ហាទៅលើបរិស្ថានទៀត។ ដូច្នេះសាលារៀនត្រូវមានការបណ្តុះបណ្តាល ការបញ្ញាបអំពីបញ្ហាបរិស្ថានឱ្យសិស្សបានយល់ដឹង ហើយសិស្សក៏ដូចគ្នាដែរ គឺត្រូវសិក្សាស្វែងយល់អំពីបញ្ហាបរិស្ថានដែលកើតមានឡើង និងរួមគ្នាការពារផងដែរ។ ជាពិសេស និស្សិត និងគ្រឹះស្ថានឧត្តមសិក្សាគឺជាផ្នែកមួយយ៉ាងសំខាន់ក្នុងការអប់រំបរិស្ថាន។ ជាមួយគ្នានេះ សហគមន៍ ស្ថាប័នរដ្ឋ និងឯកជនត្រូវចូលរួមឱ្យបានសកម្ម។ Environmental education plays an important role in promoting awareness, sustainable practices and […]