នាព្រឹកថ្ងៃទី១៥ ខែឧសភា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញបានរៀបចំបើកកម្មវិធី "ចុះពិនិត្យតាមដាន និងគាំទ្របច្ចេកទេស ដល់កម្មវិធីបណ្ដុះបណ្ដាលគ្រូបង្រៀន ផ្អែកលើកិច្ចព្រមព្រៀង តាមប្រព័ន្ធបរិញ្ញាបត្រ+១" នៅសាលាគរុកោសល្យ និងវិក្រឹតការខេត្តតាកែវ និងមជ្ឈមណ្ឌលគរុកោសល្យភូមិភាគខេត្តតាកែវ។ កម្មវិធីនេះប្រព្រឹត្តទៅក្រោមអធិបតីភាព ឯកឧត្ដមបណ្ឌិត សិត សេង នាយកវិទ្យាស្ថានគរុកោសល្យរាជធានីភ្នំពេញ ដោយមានការអញ្ជើញចូលរួមពី គណៈគ្រប់គ្រង និងគ្រូឧទ្ទេសនៃវិទ្យាស្ថានគរុកោសល្យរាជធានីភ្នំពេញ ព្រមទាំងគណៈគ្រប់គ្រង និងគ្រូឧទ្ទេសនៃសាលាគរុកោសល្យ និងវិក្រឹតការ និងមជ្ឈមណ្ឌលគរុកោសល្យភូមិភាគខេត្ត​តាកែវ។ កម្មវិធីនេះមានគោលបំណងពិនិត្យលើគុណភាពនៃដំណើរការ​អនុវត្តកម្មវិធីសិក្សា ដើម្បីពង្រឹងគុណភាព និងប្រសិទ្ធភាពនៃការបណ្ដុះបណ្ដាលគ្រូបង្រៀនឱ្យកាន់តែមានប្រសិទ្ធភាពខ្ពស់ ធានាថាគរុនិស្សិតដែលជាគ្រូបង្រៀនផ្អែក​លើកិច្ចព្រមព្រៀងការងារក្នុងប្រព័ន្ធបរិញ្ញាបត្រ+១ ទទួលបានគុណសម្បទាពេលលេញ ឆ្លើយតប​ស្តង់ដាកម្មវិធី និងស្តង់ដាវិជ្ជាជីវៈ​គ្រូបង្រៀន និងធានាបាននូវការបង្រៀនសិស្សា​នុសិស្សនៅកម្រិត​បឋមសិក្សា ឱ្យទទួលបានលទ្ធផលសិក្សា​ខ្ពស់។ www.ptec.edu.kh 📱 ✉️ info@ptec.edu.kh 📱