នាព្រឹកថ្ងៃទី២៨ ខែសីហា ឆ្នាំ២០២៦ វិទ្យាសា្ថនគរុកោសល្យរាជធានីភ្នំពេញបានរៀបចំកម្មវិធី ចុះពិនិត្យតាមដាន និងជួយគាំទ្របច្ចេកទេសដល់គណៈគ្រប់គ្រង និងគ្រូឧទ្ទេស នៅវិទ្យាស្ថានគរុកោសល្យកំពង់ចាម លើកទី៤ ក្រោមអធិបតីភាពលោក សេង ស៊ីម ប្រធានគណៈគ្រប់គ្រងវិទ្យាស្ថានគរុកោសល្យកំពង់ចាម និងលោកស្រី វណ្ណលី វឌ្ឍធានី ប្រធានការិយាល័យសិក្សា PTEC ដោយមានការអញ្ជើញចូលរួមពីគណៈគ្រប់គ្រង និងគ្រូឧទ្ទេសនៃវិទ្យាស្ថានទាំងពីរ។ កម្មវិធីចុះតាមដាន និងជួយគាំទ្រ មានគោលបំណងពង្រឹងគុណភាព និងប្រសិទ្ធភាពក្នុងការបណ្ដុះបណ្ដាលគ្រូបង្រៀនបឋមសិក្សាផ្អែកលើកិច្ចព្រមព្រៀងការងារ តាមប្រព័ន្ធបរិញ្ញាបត្រ+១ ឱ្យមានគុណសម្បទាពេញលេញ និងវិជ្ជាជីវៈច្បាស់លាស់ ក្នុងការបង្រៀនសិស្សានុសិស្សនៅកម្រិតបឋមសិក្សា។ ២៨ សីហា ២០២៦ កំពង់ចាម