នារសៀលថ្ងៃព្រហស្បតិ៍ ទី១២ ខែមីនា ឆ្នាំ២០២៦ នៅទីបញ្ជាការកណ្តាលស៊ីម៉ាក់ភ្នំពេញ ឯកឧត្តមបណ្ឌិត សិត សេងនាយកវិទ្យាស្ថានគរុកោសល្យភ្នំពេញ(PTEC) និងឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃមជ្ឈមណ្ឌលកំចាត់មីនកម្ពុជា (CMAC) បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីគរុកោសល្យ និងការស្រាវជ្រាវ សម្រាប់គ្រូបង្គោលCMAC ក្រោមកិច្ចសហការជាមួយវិទ្យាស្ថានគរុកោសល្យរាជធានីភ្នំពេញ ក្នុងគម្រោងសហប្រតិបត្តិការបច្ចេកទេស របស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA)។ ក្នុងវគ្គនេះ គ្រូឧទ្ទេសវិទ្យាស្ថានគរុកោសល្យរាជធានីភ្នំពេញបានផ្តល់ការបណ្តុះបណ្តាលដល់គ្រូបង្គោល CMAC ចំនួន១៨រូប ដើម្បីឱ្យទទួលបាននូវចំណេះដឹងគរុកោសល្យច្បាស់លាស់ ដោយផ្សាភ្ជាប់ជាមួយការអនុវត្តជាក់ស្តែង និងការស្រាវជ្រាវប្រតិបត្តិ ដើម្បីជាមូលដ្ឋានដ៏រឹងមាំក្នុងការបណ្តុះបណ្តាលជំនាញបច្ចេកទេសនៅវិទ្យាស្ថានបច្ចេកទេសសកម្មភាពកំចាត់មីន ខេត្តកំពង់ឆ្នាំង។ ១២ មីនា ២០២២៦ l រាជធានីភ្នំពេញ
Menu