នារសៀលថ្ងៃទី២៥ ខែកញ្ញា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញ (PTEC) បានរៀបចំកិច្ចប្រជុំពិភាក្សាជាមួយ វិទ្យាស្ថានជាតិអប់រំពិសេស (NISE) ក្រោមអធិបតីភាពឯកឧត្តមបណ្ឌិត សិត សេង នាយកវិទ្យាស្ថានគរុកោសល្យរាជធានីភ្នំពេញ ដោយមានការចូលរួមពីគណៈគ្រប់គ្រងនៃវិទ្យាស្ថានទាំងពីរផងដែរ។ ជំនួបនេះបានពិភាក្សាលើលទ្ធភាពនៃកិច្ចសហប្រតិបត្តិការរវាងវិទ្យាស្ថានទាំងពីរ ដោយផ្តោតលើចំណុចសំខាន់ៗដូចជា៖

• ការអភិវឌ្ឍ និងអនុវត្តកម្មវិធីសិក្សា៖ កិច្ចសហការលើកម្មវិធីបណ្តុះបណ្តាល ១២+៤ ជំនាញអប់រំពិសេស/បរិយាបន្ន។
• ការចែករំលែកធនធាន៖ ការប្រើប្រាស់ទីតាំង ធនធានមនុស្ស ឯកសារ ធនធានសម្ភារៈ បន្ទប់ពិសោធន៍ និងICT ដើម្បីឆ្លើយតបតាមតម្រូវរៀន និងបង្រៀន។
• ការធានាគុណភាព ៖ យន្តការតាមដាននិងវាយតម្លៃ និងការ​ចែករំលែកបទពិសោធ ស្តីពីការធានាគុណភាពអប់រំផ្ទៃក្នុង។
• ការរៀបចំ MoU៖ ការរៀបចំអនុស្សរណៈនៃការយោគយល់គ្នា (MoU) រវាង PTEC និង NISE ក្នុងកិច្ចសហការលើការអនុវត្តកម្មវិធីបណ្តុះបណ្តាល ១២+៤ ជំនាញអប់រំពិសេស/បរិយាបន្ន ឱ្យមានប្រសិទ្ធភាព។